पश्चिमी वायुको प्रभावका कारण मौसम बदलीसँगै देशभर वर्षा भएको छ ।

काठमाडौँ उपत्यकासहित देशभर गए रातिदेखि हल्का वर्षा भएको मौसम पूर्वानुमान महाशाखाले जनाएको छ । महाशाखाको पछिल्लो विवरणअनुसार सबैभन्दा बढी डडेल्धुरामा २५ मिलिमिटर र ताप्लेजुङमा फाटफुट वर्षा भएको छ । राजधानी काठमाडौँमा तीन मिलिमिटर वर्षा भएको छ ।

मौसम बदली र वर्षासँगै उपत्यकामा बिहानीपख बढी चिसो महसुस भएको थियो । वर्षासँगै उच्च पहाडी र हिमाली क्षेत्रमा हिमपातसमेत भएको छ ।
पश्चिमी वायुको प्रभावले मौसम बदली भई देशभर वर्षा भएको र अहिले मौसममा क्रमिक सुधार आएको मौसमविद् सुजन सुवेदीले बताए ।

उनले भने, “मध्य र पूर्वी भेगमा बदली छ । मध्यमा साँझ र पूर्वी भेगमा भोलि मङ्गलबारदेखि मौसम सुधार आउनेछ ।” रासस

प्रतिकृया दिनुहोस