अघिल्लो वर्षको तुलनामा यो वर्ष अस्पतालबाट सुत्केरी सेवा लिनेको संख्यामा कमी आएको छ ।

परोपकार प्रसुति तथा स्त्रीरोग अस्पताल थापाथलीमा २०७१ असोजदेखि पुससम्म ६ हजार ७०५ जना महिलाले सुत्केरी सेवा लिएकोमा २०७२ असोजदेखि पुसम्म ६ हजार २१७ ले मात्रै सेवा लिएका छन् ।

गत वर्षको तुलनामा यो वर्ष सुत्केरी सेवा लिनेको संख्यामा ४८८ ले कमी आएको हो । गत वर्ष असोज महीनामा मात्रै एक हजार ८०८ महिलाले सुत्केरी सेवा लिएकोमा यो वर्ष असोजमा एक हजार ५७८ मात्र रहेको छ ।

अन्य महीनाको तुलनामा असोजमा कमले सेवा लिएका छन् । अस्पतालका मेडिकल रेकर्ड अधिकृत ईन्दिरा केसी नाकाबन्दीले प्रभावित बनाउँदा सेवा लिनेको संख्या घटेको बताउँछिन् । उनी भन्छिन्, “नाकाबन्दीले यातायातलगायत असुविधाले सेवा लिनेको संख्या घट्न पुग्यो ।”

–निर्मला भट्ट, काठमाडौं

प्रतिकृया दिनुहोस