नेपाली कांग्रेसका बरिष्ठ नेता शेरबहादुर देउवाले नेतृत्वको असफलताले महत्वपूर्ण राजनीतिक अवसरहरु गुमाउनुपरेको बताएका छन् ।

कांग्रेस जिल्ला कार्य समिति काठमाडौंको अधिवेशन उद्घाटन गर्दै देउवाले नेतृत्वले सही निर्णय नलिदा राज्यका महत्वपूर्ण ठाउँहरुबाट कांग्रेस बञ्चित हुनुपरेको बताए । उनले भने, “आवश्यक समयमा नेतृत्वले निर्णय लिननसक्दा सवै ठाउँबाट कांग्रेस बाहिरिनु परेको हो ।”

उनले आफू पार्टी सभापति भए मधेशको समस्या समाधान गर्ने बताए । देउवाले भने, “७० वर्षको संघर्षबाट संविधान जारी भयो, तर मधेशको असन्तुष्टि कायमै छ ।”

आगामी १३औं महाधिवेशनमा सभापति पदको उम्मेद्वारी दावी गर्दै आएका नेता देउवाले नाका खुलेकोमा खुशी व्यक्त गरे । उनले भने, “अव मधेशका नेताहरुसँग कुरा गर्दै आन्दोलन अन्त्य गर्न पहल गर्नुपर्छ ।”

देउवाले आफू सभापति भएपछि कांग्रेसलाई बहुमत प्राप्त पार्टी बनाउने बताए ।

–कपिल भट्ट, काठमाडाैं

प्रतिकृया दिनुहोस