मुटु प्रत्यारोपण गराएपछि सबैभन्दा लामो समयसम्म जीवित रहेका जोन म्याकाफर्टीको निधन भएको छ ।

३३ वर्षअघि २० अक्टोबर, १९८२ मा बेलायतको मिडिलसेक्सको हेयरफिल्ड अस्पतालमा जोन म्याकाफर्टीको मुटु प्रत्यारोपण गरिएको थियो ।

त्यसबेला अस्पतालले उनलाई प्रत्यारोपणपछि ५ वर्षमात्रै उनको आयु लम्बिने बताएको थियो ।

उनकी पत्नी एनले भनिन्, “प्रत्यारोपणपछिका तीन दशक हामीसँगै थियौं र त्यो शानदार अवधिमा हामीले संसार घुम्यौं ।”

दम्पतीले गत अक्टोबरमा आफ्नो विवाहको ६० औं उत्सव मनाएका थिए ।

बकिंघमशरको न्यूपोर्ट पेगनलका वासिन्दा ७३ वर्षीय म्याकाफर्टीको मृत्यु मिल्टन किन्ज अस्पतालमा मंगलबार भयो ।

२०१३ मा गिनिज वल्र्ड अफ रेकर्डसमा मुटु प्रत्यारोपणपछि सबैभन्दा लामो समय जीवित रहेकामा उनको नाम उल्लेख छ ।

त्यसअवसरमा उनले उक्त रेकर्डले मुटु प्रत्यारोपणको प्रतिक्षामा रहेकाहरुलाई प्रेरणा दिएको बताएका थिए ।

उनी ३९ वर्षको छँदा मुटुमा समस्या देखिएको थियो । सन् १९६७ मा दक्षिण अफ्रिकामा पहिलोपटक मुटुको सफल प्रत्यारोपण भएको थियो ।

यद्यपी यो प्रत्यारोपणको १८ दिनपछि नै प्रत्यारोपण गराएका लुइस वाशक्यान्सकीको निधन भएको थियो ।

बीबीसीबाट साभार

प्रतिकृया दिनुहोस