रुपन्देहीको सैनामैनाका खगेश्वर काफ्लेका हत्याको गरी फरार भएका तीन जनालाई बुटवल प्रहरीले हतियारसहित पक्राउ गरेको छ ।

पक्राउ पर्नेमा सैनामैना–१० का २२ वर्षीय अर्जुन भनिने तुलसी घिमिरे, गुल्मी भुर्तुड. घरभई सैनामैना–१० बस्ने ३६ वर्षीया खीमा गीरी र सोही स्थान बस्ने २३ वर्षीय सन्दीप परीयार छन् ।

उनीहरुबाट आठ राउण्ड गोलीसहित एक थान पेस्तोल र लु १५ प १६१ नम्बरको पल्सर मोटरसाइकलसमेत बरामद भएको छ ।

उनीहरुले १९ माघमा सैनामैना–१० का ३४ वर्षीय खगेश्वर काफ्लेको हत्या गरेको आरोप लागेको छ ।

प्रहरीका अनुसार खीमा गिरीले खगेश्वरसंगको व्यक्तिगत रीसइवीका कारण हत्याको योजना बनाएकी थिइन् ।

पक्राउ परेका सबैले आफू घटनामा संलग्न भएको स्वीकार गरेका छन् ।

अभियुक्त मध्ये घिमिरे लागुऔषध दुरुपयोगको अपराधमा एक वर्ष जेल सजाय भोगेर फर्केका हुन् ।
दीपक ज्ञवाली, बुटवल

प्रतिकृया दिनुहोस