अखिलकाे २२अाैं महाधिवेशन उद्‌घाटन गर्दै प्रधानमन्त्रीलगायत एमालेका शीर्ष नेताहरु । तस्वीरः अानन्दराम डंगाेल

प्रधानमन्त्री केपी शर्मा ओलीले आसन्न भारत भ्रमणमा कुनै विवादास्पद र देशलाई अहित गर्ने सम्झौता नगर्ने बताएका छन् ।

जनवर्गीय संगठन अनेरास्ववियुको काठमाडौंमा २२औं महाधिवेशन उद्घाटन गर्दै प्रधानमन्त्री ओलीले राष्ट्रिय हितका पक्षमा मात्रै सम्झौता हुने बताए । उनले भने, “नेपालको हितहरुमा दृढ र अडिग रहन्छु ।”

उनले छिमेकी र दुनियासँग सन्तुलित, मैत्रीपूर्ण र पारस्परिक सम्मानको आधारमा सम्बन्ध स्थापना गरिने बताए । प्रधानमन्त्री ओलीले भने, “देश नयाँ चरण प्रवेश गरिसक्यो, मुलुकको स्वाभिमानलाई झुक्न दिइदैन ।”

उनले २०७४ असार मसान्तभित्र तुइन विस्थापित गरिसकिने बताए । उनले भने, “मेरो प्रतिवद्धतालाई मजाक ठान्नेहरुलाई १ साउन २०७४ मा तुइन भेटियो भने फोटो खिचेर सिंहदरबार ल्याउनुस् ।”

–कपिल भट्ट, काठमाडाैं

प्रतिकृया दिनुहोस