रक्साैल नाकाबाट ग्याँसकाे ट्याङ्कर नेपाल भित्रदै । तस्वीरः जियालाल साह

वीरगञ्ज–रक्सौल नाकास्थित मितेरी पुलमा रहेको अवरोध हटेपछि आपूर्ती हुन थालेपनि सामान्य अवस्थमा आउन १०÷१२ दिन लाग्ने अमलेखगञ्ज क्षेत्रीय डिपोले जनाएको छ ।

डिपोमा प्रयाप्त तेल नआइसकेको र इन्धन ढुवानी गर्ने साधनको व्यवस्थापन गर्न समय लाग्ने डिपो प्रमुख भानुभक्त खनालले बताए । उनले भने, “रक्सौल आउने वेगन ‘रेलको ट्याङ्की’ अन्यत्र पठाइएको छ । ल्याएपछि अवस्था हेरेर सफा गर्न, बन्द भएको रुट खोल्न समय लाग्छ ।”

उनले माग अनुसारको आपूर्ती गर्न अझै १२ दिनजति पखर्नुपर्ने बताए । सामान्य अवस्थामा आयल निगमले रक्सौल डिपोबाट दैनिक २५ सय देखि ३ हजार किलो लिटरसम्म इन्धन आउने गर्छ ।

नाका खुलेको एक सातामा ३७४ ट्याङकर पेट्रोलियम पदार्थ र ८ बुलेट ग्यास नेपाल भित्रिएको छ । नाकाबन्दी पछि भारतले नेपाल आयल निगमलाई सहज रुपमा इन्धन दिन थालेकोले आयात दिनप्रतिदिन बढिरहेको क्षेत्रीय डिपो अमलेखगञ्जले जनाएको छ ।

–सुरेश बिडारी, वीरगञ्ज

प्रतिकृया दिनुहोस