३१ साउनदेखि छुट्टा–छुट्टै आन्दोलन गर्दै आएको दुई मधेशी मोर्चाबीच एकता भएको छ ।

संयुक्त लोकतान्त्रिक मधेशी मोर्चा र संघीय समावेशी मधेश गठबन्धनबीच एकता भएको हो । अव यो मोर्चामा संघीय समाजवादी फोरम नेपाल, तराई–मधेश लोकतान्त्रिक पार्टी, सद्भावना पार्टी, तराई मधेश सद्भावना पाटी, राष्ट्रिय मधेश समाजवादी पार्टी, नेपाल सद्भावना र्पाी र मधेशी जनाधिकार फोरम (गणतान्त्रिक) समेटिएका छन् ।

संविधान निर्माण प्रक्रियादेखि असन्तुष्टि जनाउँदै यी दुई मोर्चाले छुट्टाछुट्टै आन्दोलन गर्दै आएको थियो ।

सद्भावना पार्टीका अध्यक्ष राजेन्द्र महतोले आन्दोलनलाई निर्णायक बनाउने यो एकताले सहयोग पुग्ने बताए । उनले भने, “सरकारसँग वार्ता र आन्दोलन गर्न सवै दल एक ठाउँ भएका छौं ।”

प्रतिकृया दिनुहोस