दक्षिण एसियाली (साग) अन्तर्गत पुरुष फुटबलमा नेपाल फाइनल प्रवेश गरेको छ । १ फागुनमा नेपालले नवयुग श्रेष्ठको ह्याट्रिकमा माल्दिभ्सलाई ४–३ गोलले हराएको हो ।

अन्जन विष्टको गोलले अग्रता लिएको टीम नेपालका लागि नवयुग श्रेष्ठले पहिलो गोल गर्दा माल्दिभ्स २–० गोलले पछाडि परेको थियो ।

दोस्रो हाफ शुरु भएको सात मिनेटमा माल्दिभ्सले गोल फर्कायो । ६५ औं मिनेटमा कमल श्रेष्ठ दोहोरो पँहेलो कार्ड पाएर मैदानबाट बाहिरिएपछि नेपाल १० खेलाडीमा सीमित भयो ।

त्यहीबीचमा टीम नेपालका फरवार्ड विमल घर्ती मगर घाइते भएपछि उनलाई सुमन लामाले प्रतिस्थापन गरे ।

खेलको ८५ औं मिनेटमा नासिदले गोल गरेपछि खेल २–२ को बराबरीमा आयो । निर्धारित ९० मिनेट बराबरीमा सकिएपछि खेल अतिरिक्त समयमा गयो ।

१० खेलाडीमा सीमित भएपछि दवावमा आएको टीम नेपाल विरुद्ध अतिरिक्त समयको ३० मिनेट  सकिन ५ मिनेट बाँकी छँदा माल्दिभ्सले गोल गरेरपछि नेपाल ३–२ गोलले पछि पर्यो ।

तर माल्दिभ्सको यो अग्रता धेरै टिकेन ।  १२० औं मिनेटमा नवयुगले व्यक्तिगत दोस्रो गोल गरेपछि खेल ३–३ मा आयो । अतिरिक्त समयमा अर्को गोल गरेर नवयुगले ह्याट्रिक गर्दा नेपाल ४–३ को जित निकालेर फाइनलमा प्रवेश गर्यो ।

नेपाल १७ वर्षपछि  सागको फाइनल पुगेको हो ।

स्वर्ण पदकका लागि नेपाल र भारतबीच ३ फागुनमा प्रतिस्पर्धा हुनेछ ।

प्रतिकृया दिनुहोस