नेपाली फुटबल इतिहासमै पहिलो पटक काठमाडौं उपत्यका बाहिरबाट ‘ए’ डिभिजन लिग खेलेको नवलपरासीको कोइलापानी पोलस्टार क्लब १० माघबाट हुने ‘बी’ डिभिजन लिगको तयारीमा जुटेको छ । अन्य तयारी पुरा भईसके पनि प्रायोजक भने नपाई सकेको क्लबका अध्यक्ष दर्शन भट्टराईले हिमालखबरलाई जानकारी दिए । ‘ए’ डिभिजन उक्लेको क्लब आर्थिक अभावकै कारण २०६८ मा रेलिगेसनमा परेको उनले बताए ।

क्लबले प्रशिक्षकमा जीतु पुन तथा  शेरबहादुर गुरुङ, रेशम थापा, अजय थापा, गोविन्द थापा किशोर थापा र विदुर सिंलगायत १७ खेलाडी अनुबन्धित गरेको भट्टराईले उल्लेख गरे ।

‘बी’ डिभिजन लिग खेल्न आवश्यक पर्ने रु १५ लाख बराबरको प्रायोजकको खोजीमा रहेको भट्टराईले बताए । क्लबले नवलपरासी जिल्ला भित्र र बाहिरका विभिन्न उद्योग, प्रतिष्ठानमा प्रपोजल पठाई सकेको छ । भट्टराईले प्रपोजल पाएका वा नपाएका उद्योग, संघसंस्था वा व्यक्तिसँग सहयोगको आग्रह गरे ।

ऋषिराम कट्टेल, काठमाडौं

प्रतिकृया दिनुहोस