थप समाचारशुक्रबार, फाल्गुण ७, २०७२

भारतमा लुटिएको ट्यांकर फेला पर्‍यो

हिमालखबर

भारतको सुगौलीबाट लुटिएको इन्धन सहितको नेपाली टयाङकर फेला परेको छ ।

भारतको बरौनीमा रहेको आइओसीको डिप्पाबोट तेल भरेर आउँदै गरेको ना ४ ख ३१५२ नम्बरको ट्यांकर ६ फागुन बिहान भारतको सुगौली नजिकैबाट लुटेराहरुले लुटेर लगेका थिए ।

लुटिएको टयाङकर भारतको बेतिया नजिकको गाँउबाट बेलुकी इन्धनसहित भेटिएको वीरगञ्ज पेट्रोलिम ढुवानी व्यवसायी संघका बरिष्ठ उपाध्यक्ष सुरेन्द्र श्रीवास्तवले बताए ।

श्रीवस्तवका अनुसार टयाङकर लुटिएको खबर पाउने बित्तिक्कै टयाङकर धनी सौकी सिंह सहितको टोली वीरगञ्जबाट सुगौली गएको थियो । उनीहरुले भारतीय प्रहरीको सहयोगमा खोजतलाश गर्दा टयाङकर बेतिया नजिकको गाउँमा वेवारिसे अवस्थामा फेला परेको हो ।

टयाङकर खोज्न गएको टोली वीरगञ्ज आएपछि मात्रै घटनाका बारेमा विस्तृत जानकारी आउने उनले बताए ।

सुगौली र रामगढवाको बिचमा पर्ने बेलामुडला भन्ने गाँउबाट अपरिचित व्यक्तिहरुले चालक र सहचालकलाई नियन्त्रणमा लिई रुखमा बाँधेर इन्धनसहितको टयाङकर लुटेका थिए ।
सुरेश विडारी, वीरगञ्ज

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...