थप समाचारशुक्रबार, फाल्गुण ७, २०७२

मकवानपुरका भूकम्प पीडितलाई ४८ वटा हाते ट्याक्टर

हिमालखबर

जिल्ला कृषि विकास कार्यालय मकवानपुरले जिल्लाको उत्तरी क्षेत्रका भूकम्प पीडित किसानहरुका लागि ४८ वटा हाते ट्याक्टर वितरण गरेको छ ।

tractorकृषक समूहमा आवद्ध किसानहरुका लागि अन्तराष्ट्रिय मकै तथा गहुँ अनुसन्धन कार्यक्रम, शिशा नेपालको भूकम्पीय क्षति पुनःस्थापना कार्यक्रमको ९५ प्रतिशत अनुदानमा ट्याक्टर वितरण गरिएको हो ।

भूकम्प पीडितहरुको आर्थिकस्तर कृषिका माध्यमबाट उकास्ने उद्देश्यले कृषी उपकरण वितरण गरिएको कृषि विकास कार्यालय मकवानपुरका वरिष्ठ कृषि विकास अधिकृत निर्मल गदालले बताए ।

कार्यालयले ६ माघमा ४८ कृषक समूह तथा सहकारीलाई ४८ वटा खेत जोत्ने हाते ट्याक्टर थाहा नगरमा एक समारोहकाबीच वितरण गरेको हो ।

तरकारी उत्पादनको पकेट क्षेत्र मानिएको दामन, पालुङ, फाखेल, चित्लाङ लगायतका क्षेत्रका किसानहरुलाई मिनी टिलर वितरण गरिएको कृषि सेवा केन्द्र दामनका प्रमुख विजयचन्द्र झाले बताए ।

वितरण गरिएका ट्याक्टरहरु ४५ हजारदेखि ८५ हजार मूल्य सम्मका छन् ।
सुरजकुमार भुजेल, मकवानपुर

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...