खेलकुदशुक्रबार, फाल्गुण ७, २०७२
बीपीसी म्याराथनमा मुखिया र कार्की प्रथम
वीरगञ्जमा आयोजित साढे तीन किलोमिटर लामो वीरगञ्ज पब्लिक कलेज म्याराथन प्रतियोगिताको छात्रतर्फको उपाधि प्रिन्स मुखिया र छात्रातर्फको उपाधि शिवाङ्गी कार्कीले जितेका छन् ।
‘समृद्ध मधेश, समृद्ध नेपाल’ भन्ने मुल नाराका साथ वीरगञ्ज पब्लिक कलेजले ७ फागुनमा आयोजना गरेको हाफ म्याराथन दौड प्रतियोगितामा छात्र तर्फ राजेश महतो द्वितिय, र सुशान्त मिश्रा तृतीय भए । छात्रातर्फ कविता यादव द्वितीय र अनिता थापा तृतीय भईन् ।
विजेताहरुलाई गौतम माविका सञ्चालक निमा लामा र विपीसी कलेजका कार्यकारी निर्देशक दिपक शाक्यले संयुक्त रुपमा पुरस्कार वितरण गरेका थिए ।
प्रतियोगितामा वीरगञ्जका विद्यार्थीहरुले भाग लिएका थिए ।
घण्टाघरबाट शुरु भएको दौड माईस्थान, घडिअर्वा, आर्दशनगर, अलखिया मठ, विर्ता मन्दिर, गहवा, घण्टाघर, भारतीय दूतावास हुँदै मुर्ली बगैचामा पुगेर सम्पन्न भएको थियो ।
सामाजिक सद्भाव बढाउने उद्देश्यले म्याराथान आयोजना गरिएको वीरगञ्ज पब्लिक कलेजका निर्देशक दिपक शाक्यले बताए ।
सुरेश बिडारी, वीरगञ्ज