नेपाली कांग्रेस दाङको सभापतिमा किर्तिबहादुर खड्का निर्वाचित भएका छन् ।

खड्काले ३४० मत प्राप्त गरे भने उनका निकटतम प्रतिद्वन्द्वी कमलकिशोर घिमिरेले २८५ मत प्राप्त गरे । खड्का कांग्रेस नेता खुमबहादुर खड्का निकट मानिन्छन् ।

कांग्रेसका नवनिर्वाचित दाङ जिल्ला सभापति खड्काले आफूले पार्टीमा सबैलाई समान व्यवहार गर्ने र कांग्रेसलाई एकढिक्का बनाएर लैजाने प्रतिवद्धता जनाएका छन् ।

उनका प्रतिद्वन्द्वी कमल किशोर घिमिरेले विजयी खड्कालाई बधाई दिँदै आफूले सहयोग गर्ने प्रतिबद्धता बताए ।

७ फागुनमा सभापतिका लागि भएको निर्वाचनमा कसैले पनि ५१ प्रतिशत मत ल्याउन नसकेपछि पहिलो भएका खड्का र दोस्रो भएका घिमिरेबीच ८ फागुनमा पुनः सभापतिका लागि प्रतिस्पर्धा भएको थियो ।

७ फागुनमा भएको निर्वाचनमा कृतिबहादुर, कमलकिशोर र अनिता देवकोटा प्रतिस्पर्धामा थियो ।

खड्का कांग्रेस नेता खुमबहादुर खड्का निकट मानिन्छन् भने देवकोटा संस्थापन निकट हुन् ।
देविका घर्ती मगर, दाङ

प्रतिकृया दिनुहोस