हेटौँडामा सम्पन्न अन्तर्राष्ट्रिय आमन्त्रण गोल्डकपको उपाधि मनाङ मर्‌स्याङ्दी क्लबले हात पारेको छ ।

८ फागुनमा त्रिभुबन आर्मी क्लबलाई ट्राईब्रेकरमा ४–१ गोल अन्तरले हराउँदै मनाङले जित हात पारेको हो ।

प्रतियोगिता बिजेता मनाङले नगद तीन लाख हात पारेको छ । आर्मीले उपबिजेतामा चित्त बुझाउँदै एक लाख ५० हजार प्राप्त गरे ।

बिजयी समूह तथा खेलाडीहरुलाई उपप्रधानमन्त्री सीपी मैनालीले शील्ड प्रदान गरे । कृषि तथा वन विश्वविद्यालयको खेल मैदानमा भएको प्रतियोगिता निर्धारित समय गोलरहित बराबरीमा सकिएपछि २० मिनेट समय थप गरिएको थियो । थप समय पनि गोल हुन नसकेपछि ट्राईब्रेकर भएको थियो ।

ट्राईब्रेकरमा मनाङका क्याप्टेन अनिल गुरुङ, विदेशी खेलाडीद्वय आदम बो सिसोको, बलो फिनिग्यु मउसा र सुजल श्रेष्ठले गोल गरेका हुन् । आर्मीका लागि एकमात्र गोल जितेन्द्र कार्कीले गरेका थिए ।

१६ माघमा पोखरामा सम्पन्न आहा रारा गोल्डकपमा मनाङसँग पराजित भई उपबिजेतामा चित्त बुझाएको आर्मीले हेटौँडामा पनि मनाङसँग बदला लिन सकेन ।

–सुरजकुमार भुजेल, मकवानपुर

प्रतिकृया दिनुहोस