वीरगञ्जस्थित सामुदायिक रेडियो ‘नारायणी एफएम’मा ९ फागुन बिहान आक्रमणको प्रयास भएको छ ।

बिहान पौने १ बजे वीरगञ्ज श्रीपुरस्थित एफएमको कार्यालयमा हतियारसहित आएका अपिरिचित व्यक्तिको समूहले आक्रमणको प्रयास गरेका थिए ।

उनीहरुसँग प्रतिकारको क्रममा नारायणी एफएमका सुरक्षा गार्ड वृजमोहन यादव घाईते भएका छन् । टाउकोमा चोट लागेका यादवको नारायणी उपक्षेत्रीय अस्पतालमा उपचार भएकोे रेडियोका प्रशासन प्रमुख विदुर गौतमले बताए ।

सुरक्षागार्ड यादवका अनुसार उनी रेडियो कार्यालयमा एक्लै रहेको मौका छोपी अपरिचित व्यक्तिहरु पर्खाल नाघेर रेडियो स्टेशन परिषरभित्र आएका थिए ।

“उनीहरुले कार्यालयको साँचो मागेको थिए, नदिएपछि आक्रमण गरे,” यादवले भने, “एउटासँग भिडिरहेको थिएँ, अर्कोले पछाडीबाट आएर धारिलो हतियारले टाउकोमै हान्यो ।”

आक्रमणकारी समूहले सुरक्षागार्ड यादवको मोबाईल खोसेर लगेका छन् ।
–सुरेश बिडारी, वीरगञ्ज

प्रतिकृया दिनुहोस