बसको ठक्करबाट शिक्षण अस्पताल महाराजगञ्जमा एमडी पढ्दै गरेका दुई जना चिकित्सकको मृत्यु भएको छ ।

उनीहरु त्रिवि शिक्षण अस्पताल महाराजगञ्ज, काठमाडौंमा एमडी अध्ययनरत प्यूठानका सन्दिप सुवेदी र भारत विहारका सोनी आनन्द भएको प्रहरीले जनाएको छ । दुबै जना छाला रोग विभागमा एमडी पहिलो वर्षका विद्यार्थी हुन् ।

काठमाडौं महाराजगञ्ज शिक्षण अस्पताल र कान्ति बाल अस्पतालबीचको भित्री सडकमा उनीहरुलाई विद्या संस्कार स्कुलको बा १ प ४३ नम्वरको बसले ठक्कर दिएको महानगरीय ट्राफिक प्रहरी महाशाखाले जनाएको छ ।

दुबै जनाको घटनास्थलमा नै मृत्यु भएको हो ।

दुर्घटनामा बसमा सवार ८ वर्षीया छात्रा अस्मिता ज्ञवाली सामान्य घाइते भएकी छन्।

ब्रेकफेल भएर दुर्घटना भएको हुन सक्ने प्रहरीले अनुमान गरेको छ।

बसका चालकलाई महाराजगञ्ज प्रहरी बृत्तले नियन्त्रणमा लिएको छ।

प्रतिकृया दिनुहोस