थप समाचारसोमबार, फाल्गुण १०, २०७२

एक्ली एलडीओ

हिमालखबर

karyaalayama LDO jhaदेशकै कम साक्षर र उच्च बालविवाह दर भएको रौतहटले पहिलो मधेशी महिला एलडीओ पाएको छ ।

३ फागुनमा रौतहटको जिल्ला विकास समितिको स्थानीय विकास अधिकृत (एलडीओ) का रुपमा नियुक्त बन्दना झा (३५) मधेशी समुदायकी एक्ली महिला एलडीओ हुन् । उपसचिव झा सम्भवतः मधेशमा खटिएकी पहिलो महिला एलडीओ समेत हुन् ।

रौतहटकै बसतपुरमा जन्मिएकी झा २०६६ सालमा शाखा अधिकृतबाट सरकारी सेवामा प्रवेश गरेकी थिइन् । मधेशी महिलाका लागि सरकारी सेवा टाढाको कुरा भए पनि शिक्षित अभिभावकका कारण उनी ‘भाग्यमानी’ ठहरिइन् । उनका हजुरबुबा सत्यनारायण झा र बुबा कौशलेन्द्र दुवै सरकारी जागिरे थिए ।

देशकै कम साक्षर जिल्ला रौतहट उच्च बालविवाह दरका लागि पनि चिनिन्छ । यस्तो जिल्लामा आफ्नो नियुक्तिले चुनौती थपिएको झाको अनुभव छ ।

महिला एलडीओ प्रवेशले जिल्लाका महिलालाई प्रेरणा दिने विश्वास पनि गरिएको छ । तर, झा भने महिला भनेर मात्रै केही नहुने बताउँछिन् । भन्छिन्, “आफूलाई के चाहिएको हो प्रष्ट हुनुपर्छ, प्रतिस्पर्धा गर्न चुक्नुहुन्न ।”

-सञ्जय साह ‘मित्र’, रौतहट

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...