पोखराबाट जोमसोमका लागि उडेको तारा एयरको विमान सम्पर्कविहीन भएको छ।

१२ फागुन विहान ७ः५० बजे पोखराबाट जोमसोमका लागि उडेको तारा एयरको ९ एनएएचएच ट्वीनअटर विमान जोमसोममा ८ः१० बजे ल्याण्ड हुनुपर्नेमा सम्पर्क विहिन हुन पुगेको नागरिक उड्डयन कार्यालय, पोखराका प्रशासकीय अधिकृत काशीनाथ पौडेलले जानकारी दिए  ।

विमानमा दुई बालबालिकासहित २० जना यात्रु र चालकदलका तीन जना रहेको उनले जानकारी दिए ।  पौडेलका अनुसार जहाजको खोजी भइरहेको छ ।

मुस्ताङका प्रमुख जिल्ला अधिकारी गणेशबहादुर अधिकारीका अनुसार जहाज म्याग्दीको कुनै स्थानमा दुर्घटनामा परेको हुनसक्ने संभावनालाई दृष्टिगत गरी नेपाली सेनाको हेलिकप्टर र एयर डाइनेष्टीको हेलिकप्टरबाट खोजीकार्य भइरहेको छ ।

प्रतिकृया दिनुहोस