हिजो, १२ फागुनमा तारा एयरको विमान दुर्घटना भएको ठाउँ म्याग्दीको दाना–२ सोलिघोप्टे भीरबाट १० वटा शव संकलन गरी हेलिकप्टरबाट दाना– ४ मा ल्याइएको प्रहरीले जनाएको छ ।

घटनास्थलबाट मध्याह्न १२ बजेसम्म २० जनाको शव संकलन भइसकेको र अन्य शवको खोजी कार्य जारी रहेको पनि नेपाल प्रहरीले जनाएको छ ।

आज विहान ८ बजेपछि मौषम सफा भएपछि उद्धार कार्य शुरु गरिएको हो ।

घटनास्थलमा नेपाली सेनाको २४ जनाको टोली, नेपाल प्रहरीको ८१ जना र सशस्त्र प्रहरीको ३५ जनाको टोली खटिएको छ ।

एयर डाइनेष्टिको हेलिकप्टरले आज विहान घटनास्थलमा दुई पटकसम्म गरेको अवतरण प्रयास हावाको तिव्र गतिका कारण असफ भए पनि तेस्रो पटक करिब ११ बजे भने अवतरण गर्न सफल भएको थियो ।

चालक दलका तीनसहित २३ जना सवार तारा एयरको ट्विनअटर विमान बुधबार बिहान सोलीघोप्टेको पहाडमा ठोक्किएर दुर्घटना हुँदा सबै यात्रुको मृत्यु भएको थियो ।

प्रतिकृया दिनुहोस