एमाओवादी अध्यक्ष पुष्पकमल दाहालले बाबुराम भट्टराईले एमाओवादी पार्टी परित्याग गरेर मतदातालाई धोका दिएको बताएका छन्‍ ।

गोरखा क्षेत्र नं १ का मतदातालाई एक पटक पनि नसोधी भट्टराईले पार्टी छाडेको बताउँदै उनले भने, “चुनाव जिताएर पठाएका जनतालाई नसोधी पार्टी उहाँले छाड्नुभयो, मतदातामाथि कुठाराघात भयो ।”

पार्टी कार्यकर्ता प्रशिक्षणका क्रममा गोरखामा रहेका दाहालले माओवादी भएकै कारणले मात्रै भट्टराईले चुनाव जितेको दाबी गरे ।

पार्टी र कार्यकर्ता परिवर्तन र न्यायको पक्षमा रहेको भन्दै उनले भट्टराईले पार्टी परित्याग गर्दैमा विचलित हुनुपर्ने अवस्था नरहेको बताए ।

नेपाली काग्रेसको महाधिवेशनपछि संयुक्त सरकार गठन गर्न सकिने दाहालले बताएका थिए ।

प्रतिकृया दिनुहोस