नेपाली कांग्रेसले १३औं महाधिवेशनमा पदाधिकारी नबढाउने भएको छ ।

आजको केन्द्रीय कार्य समितिको बैठकले पदाधिकारी संख्या नबढाउने निर्णय गरेको प्रवक्ता दिलेन्द्र बडूले बताए । उनका अनुसार अञ्चल संरचना भने कांग्रेसले हटाएको छ । यसअघि अञ्चललाई आधार मानेर १४ जना भूगोलको प्रतिनिधित्व गर्ने केन्द्रीय सदस्य निर्वाचित हुने व्यवस्था थियो ।

बडूले भने, “अञ्चल संरचना हटेपछि प्रत्येक प्रदशेबाट २ जना केन्द्रीय सदस्य हुनेछ ।” विधान संशोधनमार्फत ९७ केन्द्रीय बनाउने तयारी भएपनि बैठकले पुरानै व्यवस्था अनुसार ८५ जना मात्रै हुनेछ ।

बैठकले नीति तथा कार्यक्रम भने पारित गरेको छ । कार्यबाहक सभापति रामचन्द्र पौडेल संयोजकत्व समितिले पेश गरेको मस्यौदा परिमार्जनसहित पारित भएको हो ।

–कपिल भट्ट, काठमाडौं

प्रतिकृया दिनुहोस