थप समाचारबुधबार, फाल्गुण १९, २०७२

धम्की दिई रकम माग गर्ने दुई पक्राउ

हिमालखबर

criminalsवीरगञ्जका निजी विद्यालयका सञ्चालकहरुलाई फोनमा धम्की दिई रकम माग्ने दुई जनालाई प्रहरीले पक्राउ गरेको छ ।

उनीहरुले आफूलाई जनतान्त्रिक तराई मुक्ति मोर्चाको कार्यकर्ता भन्दै रु ५ लाख नदिए अपहरण गर्ने, गोली हान्ने, विद्यालयमा बम पड्काउने जस्ता धम्की दिने गरेको प्रहरीले जनाएको छ ।

त्यसरी पटक–पटक फोनमार्फत धम्की दिने र रकम मागसहितको पत्र पठाउने वीरगञ्ज–१४ का ५३ वर्षीय रामबालक प्रसाद मुखियाविन र वीरगञ्ज–१७ का २२ वर्षीय महेश पटेललाई प्रहरीले पक्राउ गरेको हो ।

पक्राउ परेका दुवै जनाले १४ फागुन साँझ स्थानीय साउथ जोन बोर्डिङ स्कुलको कम्पाउण्ड भित्र सकेट बमसमेत प्रहार गरेको प्रहरीले जनाएको छ ।

बम प्रहारगर्दा उनीहरुले प्रयोग गरेको ना १२ प ७७८ नम्बरको मोटरसाइकलको आधारमा उनीहरुसम्म प्रहरी पुग्न सकेको हो ।

प्रहरी नायब उपरीक्षक होबिन्द्र बोगटीका अनुसार दुवैजनाले आफूलाई जनतान्त्रिक तराई मुक्ति मोर्चाका अभय सिंह र सागर सिंह बताउँदै धम्काउने गरेका थिए ।

उनीहरुलाई अपहरण उद्योग तथा बिष्फोटक पदार्थ ऐन अन्तर्गत मुद्दा चलाइने बोगोटीले जानकारी दिए ।

पक्राउ परेका महेश पटेल यसअघि हातहतियार मुद्दामा दुई पटक कारागार सजाय भोगिसकेका र रामबालक प्रसाद मुखियाबिन लागु औषध ओसारपसार मुद्दामा कैद सजाय भोगिसकेका व्यक्ति हुन् ।
जियालाल साह, वीरगञ्ज

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...