मिथिलाञ्चलनको लामो दूरीको धार्मिक यात्रा मिथिला मध्यमा परिक्रमा जनकपुरबाट शुरु भएको छ ।

धनुषाको तारापट्टीबाट मिथिला बिहारीको डोला र जनकपुरको जानकी मन्दिरबाट निस्केको किशोरीजीको डोला जनकपुरको हनुमाननगरमा पुगेर परिक्रमाको विधिवत् शुरुवात गरिएको छ ।

आज हजारौं श्रद्धालुसहित रामजानकीको डोला जनकपुरको रतनसागर मठमा भव्य स्वागत्पछि हनुमान नगर पुगेको छ ।

नेपाल र भारतका विभिन्न स्थानमा पैदल जाने यो यात्रा १४ दिनसम्म बिभिन्न धार्मिक स्थल र मठमन्दिर हुँदै फागु पूर्णिमाको दिन फेरि जनकपुर आएर अन्तगृह पञ्चकोशी परिक्रमा गर्दै सम्पन्न हुनेछ ।

परिक्रमाको डोला जनकपुर पुगेर अन्तगृह परिक्रमा गरको भोलिपल्ट मिथिलामा विधिवत होली शुरु हुन्छ ।

मध्यमा परिक्रमाले भारतका चार र नेपालका ९ गरी १३ स्थानमा विश्राम लिन्छ । १३ दिनसम्ममा मध्यमा परिक्रमाका सहभागीले कुल १२७ किलोमिटर दूरी तय गर्ने हुनाले यसलाई सबैभन्दा लामो पैदल धार्मिक यात्रा पनि भनिन्छ ।

मध्यमा परिक्रमा झण्डै तीनसय वर्ष अघि शुरु भएको मानिन्छ ।

ईश्वरचन्द्र झा, जनकपुर

प्रतिकृया दिनुहोस