नेपाली कांग्रेसको १३ औं महाधिवेशन अन्तर्गत महामन्त्री पदका लागि भएको निर्वाचनमा शशांक कोइराला निर्वाचित भएका छन् ।

उनले १४१७ मत प्राप्त गरे भने उनका निकटतम प्रतिद्वन्द्वी अर्जुननरसिंह केसीले १०१७ मत प्राप्त गरे । त्यसैगरी गगन थापाले ५८४ मत पाए ।

एक दशकअघि राजनीतिमा सक्रिय भएका कोइराला आँखा रोग विशेषज्ञ  हुन् । उनले लामो समयसम्म त्रिवि शिक्षण अस्पताल महाराजगञ्जमा सेवा गरेका थिए । उनी त्यहाँको निर्देशक समेत थिए ।

नेपाली कांग्रेसका संस्थापक नेता विश्वेश्वर प्रसाद कोइरालाका कान्छा छोरा शशांक कोइराला २०६४ र २०७० सालमा भएको संविधानसभा निर्वाचनमा कोइराला नवलपरासी–१ बाट सभासद निर्वाचित भएका थिए ।

प्रतिकृया दिनुहोस