नेपाली कांग्रेसकी नवनिर्वाचित कोषाध्यक्ष सीतादेवी यादवले १३ औं महाधिवेशनमा कसैको हार नभई सम्पूर्ण कांग्रेसले नै जीतेको बताएकी छन् ।

कोषाध्यक्षमा निर्वाचित भएलगत्तै पार्टी मुख्यालय सानेपामा पत्रकारहरुलाई प्रतिक्रिया दिंदै यादवले आफ्नो जीतलाई कांग्रेसको जीत, इमान्दारीको जीत र शहीदको सम्मान भएको बताइन् ।

उनले भनिन्, “यो सबैको जीत हो, म सबैलाई सम्मान गर्दै आफ्नो कर्तव्य निर्वाह गर्नेछु ।”

आर्थिक पारदर्शितालाई आफूले जोड दिने बताउँदै उनले मधेशका माग पूरा गराउन संविधान संशोधनका लागि आफूले पहल गर्ने बताइन् ।

निर्वाचनको परिणाम आइसकेको अवस्थामा कसले कुन प्यानलबाट उम्मेदवारी दिएको थियो भन्ने कुराको सन्दर्भ सकिएको उनले बताइन् ।

प्रतिकृया दिनुहोस