यामाहा मोटरसाइकलले दाङको तुलसीपुरमा नयाँ शोरुम खोलेको छ । यामाहाको आधिकारीक बिक्रेता एमएडब्ल्यु इन्टरप्राइजेजको तुलसीपुरस्थित नयाँ डिलर ड्रिमल्याण्ड ट्रेडर्स प्रालि २६ फागुनदेखि सञ्चालनमा आएको हो ।

शोरुमको राप्ती अञ्चल सार्वजनिक यातायात व्यवसायी समितिका अध्यक्ष तथा राष्ट्रिय यातायात महासंघका केन्द्रीय उपाध्यक्ष सुरेश हमाल र हाँस्य कलाकार कमल गाउँलेले संयुक्त रुपमा उदघाटन गरे । ‘एस यामाहा’ अभियानअन्तर्गत यो शोरुममा ‘३ एस’ (सेल्स, सर्भिस र स्पेयर पार्टस) सुविधा उपलब्ध हुने ड्रिमल्याण्ड ट्रेडर्सका अध्यक्ष सहदेव श्रेष्ठले जानकारी दिए ।

शोरुमभित्रै फाइनान्स कम्पनीसँगको सहकार्यमा बाइक तथा स्कुटर खरिद गर्न फाइनान्सको सुविधा उपलब्ध हुने श्रेष्ठले बताए । उनका अनुसार पुराना बाइक तथा स्कुटर एक्सचेन्ज पनि गर्न सकिन्छ ।

प्रतिकृया दिनुहोस