सातौं सिमरा गोल्डकप फुटबलको उपाधि विजय युथ क्लब हेटौंडाले जितेको छ ।

सिमरा रंगशालामा भएको फाइनल खेलमा रुपन्देही ११ लाई ४–० ले पराजित गर्दै हेटौंडाले उपाधि उचालेको हो ।

क्लबले कपसँगै रु ५ लाख ५१ रुपैयाँ पुरस्कारसमेत हात पारेको छ ।

दास्रो भएको रुपन्देहीले रु २ लाख ५० हजार पुरस्कार प्राप्त गर्यो ।

२९ फागुन दिउँसो ३ बजेदेखि शुरु भएको खेलमा हेटौडाले ४ गोल गर्दै पहिलो सहभागिता मै फाइनल खेल जित्न सफल भएको हो ।

खेलको २१ औं मिनेटमा विजय युथ क्लब हेटौँडाका खेलाडी विमल राणाले १ गोल गर्दै खेलमा अग्रता दिलाएका थिए ।

त्यसपछि खेलको ५८ औँ मिनेटमा सुनिल बल, ५९ औँ मिनेटमा विमल राना र ७९ औँ मिनेटमा विमल रानाले चौथो गोल गरेका थिए ।

नवजनजागृति युवा क्लब सिमराको आयोजनामा भएको सिमरा गोल्ड कपको यो ७ औँ संस्करसण हो ।
जियालाल साह, बाराबाट

प्रतिकृया दिनुहोस