सरकारले गाउँपालिका, नगरपालिका तथा विशेष संरक्षित तथा स्वायत्त क्षेत्रको सङ्ख्या तथा सीमाङ्कन निर्धारण गर्न आयोग गठन गरेको छ ।

सरकारका पूर्वसचिव बालानन्द पौडेलका अध्यक्षतामा नौ सदस्यीय आयोग गठन गर्ने १ चैत साँझ बसेको मन्त्रिपरिषद बैठकले निर्णय गरेको हो ।

आयोगका सदस्यमा श्याम भुर्तेल, डोरमणि पौडेल, डा माधव अधिकारी, धीरज शाह, सुनिलरञ्जन सिंह, पवित्रा श्रेष्ठ सुब्बा र सदस्य सचिवमा नेपाल सरकारका सहसचिव छन् ।

आयोगका एक सदस्यको स्थान पछि पूर्ति गरिने सरकारका प्रवक्ता सञ्चारमन्त्री शेरधन राईले जानकारी दिए ।

नयाँ संविधानले ६ महिना भित्र आयोग गठन गरिसक्ने प्रावधान राखेको थियो । आज संविधान जारी भएको ६ महिना पुग्दैछ ।

प्रतिकृया दिनुहोस