कोबेल्को कन्सट्रक्सन मेसिनरीका लागि नेपालको अधिकृत बिक्रेता पूजा कन्सट्रक्सन नेपाल प्रालिले एसके–१४० एचडी एलसी एस्काभेटर सार्वजनिक गरेको छ । इँटा कारखाना, सिँचाइ, सडक कटिङ लगायतका लागि १४ टन एस्काभेटरको माग बढेपछि एसके–१४० एचडी ल्याइएको कम्पनीले जनाएको छ ।

कोबेल्को कन्सट्रक्सन इक्विपमेन्ट इन्डिया प्रालिका डाइरेक्टर तथा कार्यकारी उपाध्यक्ष कोजी नाकागावाले काठमाडौंमा एस्काभेटरको नयाँ मोडल सार्वजनिक गरेका हुन ।

यसैबीच एसके १४० एचडिएलसी सार्वजनिक गर्न आयोजित कार्यक्रममा कोबेल्को कन्सट्रक्सन मेसिनरी कम्पनी लिमिटेड, जापानले उक्त एस्काभेटर एक थान नेपाल सरकारलाई उपलब्ध गराएको छ । ६९ लाख रुपैयाँ पर्ने उक्त एस्काभेटरबाट नेपाल सरकारले सञ्चालन गरिरहेको पुनस्र्थापना र उद्धार कार्यमा थोरै भए पनि सहयोग कोजी नाकागावाको भनाई थियो ।

प्रतिकृया दिनुहोस