पाकिस्तानको पेशावरमा सरकार कर्मचारी सवार बसमा बम विष्फोट हुँदा कम्तीमा १५ जनाको मृत्यु भएको छ भने २५ जना घाइते भएका छन् ।

तस्वीर: रोयटर्स

खैबर पख्तुनख्वा राज्यको मर्दान शहरबाट सरकारी कर्मचारीलाई लिएर पेशावर पुगेको बस सुनहरी मस्जिद नजिकै विष्फोट भएको पाकिस्तानी पत्रिका डनको अनलाइन संस्करणले उल्लेख गरेको छ ।

स्थानीय प्रहरी अधिकारीले आतंकवादीले बसमा पहिले नै टाइम बम फिट गरी विष्फोट गराएको हुनसक्ने बताएका छन् ।

सन् २०१२ र २०१३ मा पनि पेशावरमा सरकारी कर्मचारीलाई लक्षित गरी भएका यस्तै विष्फोटमा ३८ जनाको ज्यान गएको थियो ।

प्रतिकृया दिनुहोस