स्वदेश फर्कने तयारीमा रहेका एक नेपाली युवाको साउदी अरबमा ज्यान गएको छ ।

कोठाभित्रै लडेर टाउकोमा गम्भीर चोट लागेका दाङ, पुरनधारा–५ का ३७ वर्षीय प्रेमबहादुर वलीको उपचारका क्रममा बुधबार ज्यान गएको हो ।

काममा गएका साथीहरु साँझ फर्केर कोठामा आउँदा उनी कोठाभित्रै लडेको अवस्थामा देखेपछि उपचारका लागि अस्पताल लगिएको थियो ।

टाउकोमा गम्भीर चोट लागेका उनको उपचारकै क्रममा अस्पतालमै मृत्यु भएको र वलीको शव अहिले इस्टर्न अस्पताल खोबारमा राखिएको उनका आफन्तले जानकारी दिएका छन् ।
छ वर्षदेखि दमामको सनैयास्थित अल रसिद कम्पनीमा कार्यालय सहयोगीका रुपमा कार्यरत उनी तीन महिनापछि स्वदेश फर्कने तयारीमा रहेका थिए ।

प्रतिकृया दिनुहोस