काभ्रेपलाञ्चोक कासीखण्ड नगरपालिका व्यास–२ स्थित सल्लेरीमा गोली लागेर २० वर्षीय प्रतिष तामाङको मृत्यु भएको छ ।

नाकमा गोली लागेको र अत्यधिक रक्तश्राव भएका कारण उनको घटनास्थलमै मृत्यु भएको जिल्ला प्रहरी कार्यालय धुलिखेलका प्रहरी निरीक्षक विदुरकुमार थापाले जानकारी दिए ।

घटनामा संलग्न सोही नगरपालिकाका अरुण तामाङलाई प्रहरीले पक्राउ गरेको छ ।

शनिबार बेलुका दुवै जनासँगै नजिकै रहेको जङ्गलमा गएको र पछि उनीहरुबीच विवाद हुँदा गोली चलेको हुनसक्ने प्रहरी निरीक्षक थापाले बताए ।

थापाका अनुसार घटनास्थलबाट कटुवा पेस्तोलसमेत बरामद गरिएको छ ।
रासस

प्रतिकृया दिनुहोस