खेलकुदसोमबार, चैत्र ८, २०७२
मलेसियाविरुद्ध टोली घोषणा, प्रमुख खेलाडी काे–काे छैनन् ?
अखिल नेपाल फुटबल संघ (एन्फा) ले आगामी १४ चैतमा मलेसियाविरुद्ध खेल्ने यु–२२ फूटबल टिमको घोषणा गरेको छ । टीम नेपालका नवनियुक्त प्रशिक्षक ग्योटोकु कोजीले ८ चैतमा पत्रकार सम्मेलनमार्फत विराज महर्जनको कप्तानीमा २३ सदस्यीय टिम घोषणा गरेका हुन् ।
टिममा परेका खेलाडीहरूमा तीन जना गोल किपर विकेश कुथु, किरणकुमार लिम्बु र विशाल श्रेष्ठ छन् । त्यस्तै डिफेनडर्समा विराज महर्जन, विजय धिमाल, देवेन्द्र तामाङ, दिनेश राजवंशी, जितेन्द्र कार्की, कमल श्रेष्ठ, मनबहादुर तमाङ, रविन श्रेष्ठ र रन्जित धिमाल परेका छन् ।
प्रशिक्षक कोजीले मिडफिल्डमा जगदीश श्रेष्ठ, विशाल राई, हेमन गुरुङ, प्रकाश बुढाथोकी, सुजल श्रेष्ठ र सुनिल बललाई रोजेका छन् । फरवार्डमा नवयुग श्रेष्ठ, रन्जन विष्ट, सुमन लामा, विश्व श्रेष्ठ र भरत खवास रहनेछन् ।
अनन्त तामाङ र अन्जन विष्ट युरोप भ्रमणमा रहेकाले मलेसियासँगको खेलमा हुनेछैनन् भने विमल घर्ती मगर पनि युरोप भ्रमणमा जानेभएकाले टिममा हुनेछैनन् । त्यस्तै विक्रम लामा इन्डोनेसिया भ्रमणमा छन् ।
प्रतिकृया दिनुहोस
ताजा अपडेट
हिमालखबर जनमत
