अख्तियार दुरुपयोग अनुसन्धान आयोगको अनुसन्धानका क्रममा लकरमा गोली भेटिएपछि पक्राउ परेका ल्हारक्याल लामा धरौटीमा छुटे लगत्तै पुनः पक्राउ परेका छन् ।

जिल्ला प्रशासन कार्यालयले ८ चैतमा गोली काण्डमा रू.६६ हजार ७५० धरौटी लिएर छाडे लगत्तै उनलाई प्रहरीले वैदेशिक रोजगारमा ठगि गरेको आरोपमा पक्राउ गरेको हो । उनलाई प्रहरीको सिंहदरबार वृत्तमा राखिएको छ ।

लामाविरुद्ध वैदेशिक रोजगार विभागमा दुई वर्ष पहिले नै मकाउ पठाइदिने भन्दै रु.दुई करोड भन्दा बढी ठगी गरेको उजुरी परेको थियो । केशवबहादुर गुरुङले लामाविरुद्ध उजुरी दिएपछि विभागले पक्राउ गरिदिन प्रहरीलाई त्यो बेलै पत्राचार गरेको थियो । तर, प्रहरीले पक्राउ नगरेका कारण निर्धक्क सार्वजनिक जीवन बिताउँदै आएका उनी बैंक लकरमा गोली भेटिएपछि पक्राउ परेका थिए ।

प्रतिकृया दिनुहोस