बेल्जियमको राष्ट्रीय प्रसारक आरटीबीएफका अनुसार राजधानी ब्रसेल्सस्थित विमानस्थलमा बम विष्फोट गराउने मध्येका दुई जना दाजुभाई रहेको पुष्टी भएको छ ।

संदिग्ध तीन जनामध्ये दाजुभाई ख़ालिद र ब्राहीम अल-बक्रवीको पहिचान भएको र अर्को एकजनाको खोजी भइरहेको स्थानीय सञ्चारमाध्यमहरुले जनाएका छन् । आरटीबीएफका अनुसार यि दुबै दाजुभाइका बारे प्रहरीलाई पहिलेदेखि नै थाहा थियो ।

सीसीटीवी क्यामरामा देखिएको तेस्रो व्यक्तिको तस्वीर बेल्जियम प्रहरीले जारी गरेको छ । उसको नाम नाजिम लाचरवी रहेको बताइएको छ । केही महिनाअघि भएको पेरिस आक्रमणका सम्बन्धमा बेल्जियम प्रहरीले नाजिमको खोजी गरिरहेको थियो ।

हिजो ब्रसेल्स विमानस्थल र मेट्रो स्टेशनमा भएको विष्फोटमा ३४ जनाको मृत्यु भएको थियो भने २५० घाइते भएका थिए ।

आतंकवादी संगठन इस्लामिक स्टेटले आक्रमणको जिम्मेवारी लिएको छ ।

ब्रसेल्समा छापामारीका क्रममा प्रहरीले किल्ला र रासायनिक पदार्थले भरिएको एक विस्फ़ोटक डिवाइस र इस्लामिक स्टेटको झंडा बरामद गरेको छ ।

प्रतिकृया दिनुहोस