वरिष्ठ उद्यमी एवम् बैङ्कर नूरप्रताप जङ्गबहादुर राणाको ७६ वर्षको उमेरमा निधन भएको छ ।

फोक्सोको समस्याबाट पीडित राणाको उपचाका क्रममा भारतको नयाँदिल्लीस्थित फोर्टिस अस्पतालमा आज, ११ चैतको निधन भएको युनिभर्सल ग्रुपका मानव संसाधन प्रमुख सुरेन्द्र निरौलाले जानकारी दिए ।

राणा चर्चित गोल्ड स्टार जुत्ता र हात्तीछाप चप्पल कम्पनीका मालिकका साथै कुमारी बैंकका पूर्वअध्यक्षसमेत थिए ।

राणाको लगानीमा युनिभर्सल फर्मास्युटिकल्स औषधि उद्योग र त्रिशूल ग्यासलगायतका उद्योगहरु समेत सञ्चालनमा छ ।

स्वर्गीय राणाका श्रीमती, एक छोरा र एक छोरी छन् ।

प्रतिकृया दिनुहोस