हेटौडा–५ पिप्लेस्थित हिमालयन इंग्लिस सेकेण्डरी बोर्डिङ स्कुलको बस दुर्घटना हुँदा ३५ विद्यार्थी घाइते भएका छन् ।

मकवानपुरगढी गाविसको मक्रान्चुली, कालीखोला क्षेत्रका बिद्यार्थी लिएर स्कूल तर्फ आउँदै गरेको ना ४ ख ६१३८ नं. को बस १२ चैतमा विहान करिब १० बजे पिप्लेकुनामा पल्टिएको हो ।

दुर्घटनामा परी घाइते भएका ३५ जना विद्यार्थीहरुलाई उपचारको लागि हेटौंडा अस्पताल लगिएको जिल्ला प्रहरी कार्यालय मकवानपुरका प्रहरी निरीक्षक हरि ओझाले जानकारी दिए ।

“एक जनाको छाती दुखेको र एक जनाको टाउकोमा चोट लागेर बान्ता गरेको भन्ने खबर आएको छ, अरु विद्यार्थीलाई सामान्य चोटपटक लागेको छ,” प्रहरी निरीक्षक ओझाले भने ।

कालीखोला जंगलको स्लाब सडकबाट ओरालोतिर आइरहेको बस पिप्ले–५स्थित पिप्लेपोखरा सामुदायिक वनको बेंसी सडकको घुम्तीमा पल्टिएको थियो ।

निकै थोत्रो भइसकेकोले एक वर्षअघि नै नचलाउन भनिएको बसमा विद्यार्थी ओसारेकाले पल्टिएको अभिभावकहरुले बताएका छन् ।
सुरजकुमार भुजेल

प्रतिकृया दिनुहोस