प्रधानमन्त्री केपी शर्मा ओलीको चीन भ्रमणका क्रममा चीन सरकारले नेपालको संविधानलाई स्वागत गरेको प्रति सदभावना अध्यक्ष राजेन्द्र महतोले आपत्ति जनाएका छन् ।

काठमाडौंस्थित पार्टी कार्यालयमा सञ्चारकर्मीसँग कुरा गर्दै महतोले नेपालका मधेशी, जनजातिमाथि नयाँ संविधान जबरदस्ती लादिएको भन्दै त्यस्तो संविधानलाई स्वागत गरेर चीनले नेपालका दुईतिहाई जनताको भावना माथि ठेस पुर्‍याएको आरोप लगाए ।

महतोले आफ्नै देशका बहुसंख्यक जनताले स्वीकार गर्न नसकेको संविधानको विदेशीबाट स्वागत गराउनुको कुनै अर्थ नहुने बताए ।

उनले कुनै देशले स्वागत गर्दैमा मधेशमा जारी आन्दोलन नरोकिने भन्दै प्रधानमन्त्रीको व्यवहार हेर्दा नेपालको संविधान विदेशीका लागि बनाएको जस्तो देखिएको दाबी गरे ।

उनले चीन सरकारको पछिल्लो कदमले मधेशी जनता थप आहत बनाएको आरोप लगाए ।

प्रतिकृया दिनुहोस