फेसबुकमार्फत चिनजान गरेर युवतीमाथि दुर्व्यवहार गर्ने एक युवकलाई प्रहरीले हेटौडाबाट पक्राउ गरेको छ ।

हेटौंडा–८ कमाने बस्ने निरजकुमार चौधरीलाई प्रहरीको केन्द्रीय अपराध अनुसन्धान ब्यूरो (सिआइबी)ले स्थानीय बुद्धचोकबाट १२ चैतमा पक्राउ गरेको हो ।

निरजबाबा उपनामले चिनिने चौधरीले फेसबुकबाट साथी बनेकी युवतीलाई काठमाडौंको एक रेष्टुरेन्टमा लगेर नशालु पदार्थ खुवाई उनको आपत्तिजनक फोटो खिचेको सिआइबीले जनाएको छ ।

प्रहरीका अनुसार चौधरी रोजगारीको शिलशिलामा साउदी अरव बस्दा ती युवतीसँग फेसबुकमार्फत मित्रता बढाएको र फर्केपछि उनीहरुबीच हिमचिम थप बढेको थियो ।

ती युवतीको अश्लिल फोटो खिचेपछि चौधरीले युवतीलाई ‘ब्ल्याकमेलिङ’ गर्दै शारीरिक सम्बन्ध राख्न दबाब दिंदै आएका थिए ।

पक्राउ परेका चौधरीलाई बिद्युतीय कारोबार ऐन, २०६३ अनुसार कार्वाही अघि बढाइने प्रहरीले जनाएको छ ।
सुरजकुमार भुजेल, मकवानपुर

प्रतिकृया दिनुहोस