आफ्नी आमाको हत्या गरेको आरोपमा दाङका एक युवक पक्राउ परेका छन् ।

प्रहरीले दाङको लमही–८ अर्नहवाका बिमल रावतलाई आफ्नै ७० वर्षीया आमा मंगलादेवी रावतको हत्या गरेको आरोपमा पक्राउ गरेको हो ।

बिमल ७ चैत बेलुका घरमा विरामी अवस्थामा रहेकी आमा मंगलादेवी रावतलाई लठ्ठी र इट्टाले हानेर घाइते बनाएको र उपचारका क्रममा उनको मृत्यु भएको प्रहरीले जनाएको छ ।

आमाको हत्या गरेर फरार भएको बिमललाई सैघा– ८ मिठानबाट प्रहरीले पक्राउ गरेको हो ।

वडा प्रहरी कार्यालय लमहीका प्रमुख प्रेमबहादुर खड्काका अनुसार कम्मर मुनीको भाग नचलेर ओछ्यान परेकी आमालाई रक्सीले धुत भएका बिमलले कुट्पीट गरी घाइते बनाएको थाहा पाएपछि छिमेकीले प्रहरीलाई खबर गरेका थिए ।

घाइते मंगलादेबीलाई उपचारका लागि घोराही अस्पताल लगिएकोमा उपचारका क्रममा उनको मृत्यु भएको थियो ।
देविका घर्ती मगर,दाङ

प्रतिकृया दिनुहोस