खेलकुदआइतबार, चैत्र १४, २०७२
अफगानिस्तानसँग वेस्ट इन्डिज स्तब्ध
आईसिसि टि–२० विश्वकपमा वेस्ट इन्डिजको अपराजित यात्रामा अफगानिस्तानले पूर्ण विराम लगाएको छ । सूपर–१० अन्तर्गत ‘समूह १’ को शीर्षस्थानमा रहेको वेस्ट इन्डिजलाई भारतको नागपुरमा १४ चैतमा अफगानिस्तानले ६ रनले पराजित गरेको हो ।
१२३ रनको विजय लक्ष्य पछ्याएको वेस्ट इन्डिजले ८ विकेट गुमाएर २० ओभर खेल्दा जम्मा ११७ रन जोड्यो । वेस्ट इन्डिजका लागि डि ब्रेभोले सर्वाधिक २८ रन जोडे ।
अंक तालिकाको पूछारमा रहेको अफगानिस्ताका लागि नाजीबुल्लाह जाडरेनले ४८ रनको योगदान दिएका थिए ।
समूह चरणको अन्तिम खेलमा पराजित भए पनि रनरेटको आधारमा ‘समूह १’ विजेताको रुपमा वेस्ट इन्डिज सेमिफाइनल पुगेको छ । उसले सेमिफाइलनमा ‘समूह २’ को उपविजेतासँग प्रतिस्पर्धा गर्नेछ । ‘समूह २’ उपविजेताका लागि केही बेरमा भारत र अष्ट्रेलियाबीच खेल हुँदैछ ।
वेष्ट इन्डिजसँग समान ६ अंक भए पनि रनरेटमा पछि परेर ‘समूह १’ उपविजेता बनेको इङ्गल्याण्डको सेमिफाइनल भेट ‘समूह २’ को विजेता न्यूजल्याण्डसँग हुनेछ । न्युजल्याण्ड ‘सुपर १०’ मा अपराजित एक मात्र टीम हो ।
प्रतिकृया दिनुहोस
ताजा अपडेट
हिमालखबर जनमत
