पद्यमकन्या क्याम्प्सको स्वतन्त्र विद्यार्थी युनियनकी पूर्व सभापति (लालकुमारी) स्वस्तिका पोखरेलको सवारी दुर्घटनामा मृत्यु भएको छ । पूर्व पश्चिम राजमार्ग अन्तर्गत बाराको अमलेखगञ्जमा १५ चैत विहान सवारी दुर्घटनामा पोखरेल सहित दुई जनाको मृत्यु भएको छ । नेपाल विद्यार्थी संघकी नेतृ पोखरेलको स्थायी घर उदयपुर, कटारी–२ हो ।
यस्तै काभ्रेको महादेवस्थान घर भइ हाल काठमाण्डौको पेप्सीकोलामा बस्दै आएका ४२ वर्षिय ध्रुब कार्कीको मृत्यु भएको मध्य क्षेत्रीय ट्राफिक प्रहरी कार्यालय पथलैयाले जनाएको छ । यात्रुवाहक बस र कार एक आपसमा ठोक्किएर भएको दुर्घटनामा अन्य दुई जना गम्भिर घाइते छन् ।
पथलैया–हेटौडा सडकखण्ड अन्तर्गत अमलेखगन्ज–६ मा पौने पाँच बजे ना ४ ख ५६९६ नम्बरको बस र विपरित दिशाबाट जाँदै गरेको बा ३ च ८०९७ नम्बरको कार एकआपसमा ठोक्कीएर भएको दुर्घटनामा कारमा सवार उनीहरुको घटनास्थलमै मृत्यु भएका थियो ।

यस्तै दुर्घटनामा परि घाइते हुनेहरुमा उदयपुरको त्रिवेणी २ का ३५ वर्षिय गोविन्द बहादुर बुढाथोकी र त्यही ठाउँका ३२ वर्षिय प्रदीप पोख्रेल रहेका छन् । दुवै जनाको नारायणी उपक्षेत्रीय अस्पताल वीरगञ्जमा उपचार भइरहेको छ ।
उदयपुर घर भएकी पोखरेल विरामी दाईलाई भेट्न वीरगन्ज जाँदै थिइन ।

सुरेश बिडारी, वीरगञ्ज

प्रतिकृया दिनुहोस