१४ चैत दिउँसो काठमाडौंमा झण्डै आधा घण्टा हावाहुरी आउँदा यहाँको जनजीवन प्रभावित बन्यो । अचनाक आएको हावाहुरीबारे मौसमविद् ङमिन्द्र दाहाल भन्छन्ः

यो हावाहुरी अन्य समयमा देखिनेजस्तै सामान्य मौसमी हावाहुरी हो । जाडो मौसममा हावा उत्तरबाट दक्षिण भएर बग्छ । जाडो मौसममा हावा उच्च भागबाट होचो भागतिर बग्छ ।

गर्मीमा जमिन तात्ने भएकाले तातो हावा उडेर आकाशमा फैलने गर्छ । किनकी गर्मी मौसममा जमिनमा हावा हलुवाका भएर बसेको हुन्छ् । यतिखेर समुद्रको हावा एकदमै चिसो हुन्छ । यो समयमा हावा दक्षिण भएर उत्तरमा बग्छ ।

आज उपत्यकासहितका स्थानमा हावाहुरी आउनुको कारण यही हावा हो, जून दक्षिणी भारतको राजस्थान मरुभुमीबाट उत्तर जानुपथ्र्यो ।

उत्तर भएर जानुपर्ने हावा २ दिनसम्म उपत्यकामा लगातार देखिएको तुँवालोले नेपालको पहाडी क्षेत्रतिर धकेलिदियो ।

नेपालको पहाडी क्षेत्रमा आइरहेको पश्चिमी वायुले दक्षिण भारतको राजस्थानबाट उत्तरतिर जार्दै गरेको तातो हावालाई धकेलेर नेपालतिर ल्याइदियो ।
त्यसरी धकेलिएर आएको हावाले ठूलो पानी पार्न नसक्नुको कारण आकाशमा बादल नहुनु हो ।

आकाशमा बादल भएको भए असिनासहितको भीषण पानी पर्ने संम्भावना रहन्थ्यो । हावामा पानीको मात्रा नपुगेपछि ठूलो वर्षा हुन नसकेको हो । यसैकारण अझै दुई दिनसम्म ठूलो पानी पर्ने संम्भावना छैन ।

प्रस्तुतीः रामु सापकोटा

प्रतिकृया दिनुहोस