लमजुङका पत्रकार युवराज श्रेष्ठ ‘सन्तोष लामिछाने स्मृति पत्रकारिता पुरस्कार’ बाट पुरस्कृत भएका छन् ।

नेपाल पत्रकार महासंघ लमजुङ शाखाले स्थानीय पत्रकार युवराज श्रेष्ठलाई आफ्नो ६१ औं स्थापना दिवसमा ‘सन्तोष लामिछाने स्मृति पत्रकारिता पुरस्कार’ प्रदान गरेको छ ।

रेडियो मर्स्याङ्दीका समाचार प्रमुख श्रेष्ठलाई सांसदद्वय चन्द्रबहादुर कुँवर र जमिन्द्रमान घलेले संयुक्त रुपमा पुरस्कार प्रदान गरे ।

लमजुङको भोर्लेटारमा २०५३ सालमा बस दुर्घटनामा परी निधन भएका सन्तोष लामिछानेको स्मृतिमा उनका काका श्रीकृष्ण लामिछानेको परिवारले पुरस्कार स्थापना गरेको हो ।

पुरस्कारको राशी रु १० हजार छ ।

पत्रकार श्रेष्ठले हिमाल खबर पत्रिकाका लागि पनि लेख्दै आएका छन् ।

प्रतिकृया दिनुहोस