आगामी वैशाख दोस्रो साता बाँके फुटबल संघको आयोजनामा ‘प्रथम नेपालगञ्ज गोल्डकप फुटबल’ प्रतियोगिता हुने भएको छ । १८ चैतमा काठमाडौंमा पत्रकार सम्मेलन आयोजना गरेर संघले मध्य र सुदूरपश्चिमको सर्वाधिक राशीको फुटबल प्रतियोगिता ११–२१ वैशाखमा नेपालगञ्जमा आयोजना गर्न लागेको जानकारी दिएको हो ।

पत्रकार सम्मेलनमा जिल्ला फुटबल संघका अध्यक्ष भोजराज शाहीले ए डिभिजनका तीन र भारतका दुई सहित सुदूरपश्चिम, बुटवल र नेपालगञ्जका ११ टिम सहभागी हुने प्रतियोगितामा बिजेताले रु. एक खाल ५१ हजार पाउने बताए । त्यस्तै उपविजेताले नगद रु. एक लाख पाउने छ ।

विगतमा नेपालगञ्जमा भेरी गोल्ड कप लगाएतका स्तरीय प्रतियोगिता हुने गरे पनि लामो समयदेखि ठूला प्रतियोगिता हुन सकेका थिएनन् । कार्यक्रममा अध्यक्ष शाहीले नेपालगञ्ज गोल्डकपलाई हरेक वर्ष आयोजना गर्ने गरी निरन्तरता दिने प्रतिबद्धता जनाएका थिए ।

प्रतिकृया दिनुहोस