हत्या आरोपमा पक्राउ परेका नेकपा एमालेका बैकल्पिक पोलिट्ब्यूरो सदस्य योगनारायण यादवलाई उपस्थित गराउन  अदालतले प्रहरीलाई आदेश दिएको छ । यादवलाई १९ चैत विहान उपस्थित गराउन  आदेश दिईएको हाे ।

धनुषाको सबैलास्थित मदनआश्रित निम्न माध्यमिक विद्यालय व्यवस्थापन समितिको चुनावमा गोली प्रहार गरी दुई जनाको हत्याको योजनाकारका रुपमा यादवलाई प्रहरीले नियन्त्रणमा लिएको छ ।

काठमाडौंको धुम्बाराहीस्थित पार्टी कार्यालय नजिकबाट १७ चैतमा यादवलाई हत्याको एक वर्षपछि प्रहरीले पक्राउ गरेको थियो । विद्यालयको चुनावका क्रममा ८ चैत २०७१ मा गोली चल्दा दुई जनाको मृत्यु भएको थियो । हत्यापछि यादव फरार  थिए ।

–ईश्वरचन्द्र झा, जनकपुर

प्रतिकृया दिनुहोस