रेमिट्यान्स कम्पनी आईएमईले ‘लक्की ड्र’ मार्फत उत्कृष्ट ठहरिएका आफ्ना ग्राहकलाई जापान घुमाउने भएको छ । क्योदाई रेमिट्यान्स जापानसँगको सहकार्यमा नव वर्ष २०७३ को उपलक्ष्यमा आफ्ना ग्राहकका लागि आईएमईले ३ महिने योजना ल्याएको हो ।

योजनाअन्तर्गत जापानबाट नेपालमा आईएमई गर्ने सेवाग्राहीहरुले साप्ताहिक लक्की ‘ड्र’ मा सहभागी भई हरेक हप्ता जापान–नेपालका लागि राउन्ड ट्रिप टिकेट जित्न सक्नेछन् । टिकट विजेता घोषणा गरिएको मितिबाट एक वर्षसम्मका लागि मान्य हुनेछ ।

१ अप्रिलदेखि ३० जुन २०१६ सम्मका लागि लागु हुने कम्पनीले जनाएको छ । जम्मा १२ वटा लक्की ‘ड्र’ गरिने आईएमईले जनाएको छ ।

प्रतिकृया दिनुहोस