समाचारमंगलबार, चैत्र २३, २०७२
विवाद मिलाउन एमालेले कार्यदल बनायो
नेकपा एमालेले केन्द्रीय विभाग, सल्लाहकार र अञ्चल कमिटी सदस्य मनोनयनको विवाद मिलाउन तीन सदस्यीय कार्यदल गठन गरेको छ ।
प्रधानमन्त्री निवास बालुवाटारमा बसेको सचिवालय बैठकले महासचिव ईश्वर पोखरेलको संयोजकत्वमा पृथ्वीसुब्बा गुरुङ र गोकर्णराज बिष्ट सम्मिलित कार्यदल गठन गरेको छ ।
कार्यदलले सम्बिन्धित विभाग प्रमुखको सहमतिमा विवाद मिलाउन कार्यदेश पाएको प्रचार विभाग प्रमुख योगेश भट्टराईले बताए । कार्यदलले सम्बन्धित विभागका प्रमुख र उपप्रमुखको सिफारिस, वरिष्ठता र सम्बन्धित पक्षसँगको छलफलबाट विवादको किनारा लगाउनेछ ।
अहिले पार्टी केन्द्रीय कार्यालय धुम्बाराहीमा पोलिट्ब्यूरोको बैठक बसिरहेको छ । बैठकले आगामी २७–३० चैतमा बस्ने केन्द्रीय कमिटी बैठकमा पेश गरिने कार्यसूचीबारे छलफल गर्नेछ ।
१७ चैतमा बसेको स्थायी कमिटी बैठकमा केन्द्रीय विभाग र सल्लाहकार समितिमा मनोनयनबारे छलफल भए पनि विवादका कारण निर्णय भएको थिएन ।
प्रतिकृया दिनुहोस
ताजा अपडेट
हिमालखबर जनमत
