राप्रपाका अध्यक्ष लोकेन्द्रबहादुर चन्दले सरकारले राम्रो काम गर्न नसकेको टिप्पणी गरेका छन् ।

धनगढी विमानस्थलमा पत्रकारसँग कुरा गर्दै नेता चन्दले सरकार नसुध्रिए विकल्प खोज्नुपर्ने बेला आउने बताए ।
वर्तमान सरकारमा राप्रपा पनि संलग्न छ ।

सरकारका क्रियाकलापबाट राप्रपा सन्तुष्ट नरहेको बताउँदै उनले राष्ट्रिय सरकार गठनको माग गरे । “भूकम्पपीडितको राहत र पुनःस्थापना, आपूर्ति व्यवस्था सहज बनाउने काममा सरकारले राम्रोसँग काम गर्न सकेको छैन ।”

प्रधानमन्त्री केपी ओलीको भारत भ्रमणपछि पनि नेपाल भारत सम्बन्धमा खास सुधार हुन नसकेको उनको धारणा छ ।
राप्रपा नेपाल र राप्रपाबीच एकताका लागि पाँच चरणमा छलफल भएको जानकारी दिँदै उनले केही दिनभित्रै निर्णायक वार्ता हुन लागेको जानकारी दिए । रासस

प्रतिकृया दिनुहोस